唔知道由幾時開始，香港人寫乜野都越o黎越口語化。包括我所睇o既一大堆連書展都出到書o既blogger o既blog。 我發覺佢o地大部份人寫blog都係好鬼死口語化，而我唔知道點解o係好鬼死耐到而家寫親野都係好少咁口語化。可能我覺得咁樣諗野會比較無咁systematic 。但亦越o黎越多人話寫blog唔駛咁serious喎，無人要咁辛苦去睇你d牙痛文章喎,right？哦﹗咁寫Halo 3 咪試下口語化囉﹗
嘩﹗真係唔係講笑﹗我只係知道Halo 3 係一隻由xbox已經好鬼死多人話勁o既game。咁有幾勁呢？我o個時無xbox咁梗係無試到啦。而家有xbox360,咁我咪有機會試下呢隻勁game囉﹗尋晚，我同幾個朋友仔一齊上網玩。我其實大部份時間都係右閃右避咁。無他o既，因為買o左隻game唔係好耐o丫嘛﹗點會有佢o地玩得咁勁o丫？於是乎，我大部份時間都係欣賞下d畫面，同埋d劇情咁樣。d畫面竟然由我部電視出o黎都咁鬼靚仔，我一路都幻想緊若果由部full hd電視出會係點樣呢？都係幻想下先，都唔知幾時先會買﹗而佢個劇情都真係幾精采o架﹗你知啦，正所謂呢d打打殺殺game玩唔少，好多都係一路殺到尾就算，但係佢個故事非常之咁完整喎。死火，我而家打一陣機就頭同埋個身會痛，呢 d game一打就會打好耐o架嘛﹗咁點算好呢？
你而家打機真係唔好叫我自己一個人打呀﹗因為自閉game對於我o既吸引力已經係零o架喇﹗我而家非常之咁享受同朋友仔上網吹住水咁打機o架，呢d叫做互動o丫嘛﹗o個種氣氛同埋合作性，絕對係單機版所俾唔到我o架﹗所以我以前先鬼死咁鍾意打online game之嘛﹗以前就o係online game打下字o黎吹水，但聽聞而家 d online game official都出埋好似xbox360 咁一路用咪吹住水一路玩咁喎﹗咁真係唔駛咁煩啦﹗以前一路按住個keyboard出緊招，而又要打字o黎叫隊友點打點打咁。真係手指都抽筋咁濟呀﹗
成篇野都用口語化打出o黎，我發覺我o既思路非常之咁凌亂﹗我其實都唔係好知自己講到邊到，同埋寫緊乜野o架﹗所以d blogger寫到咁口語化，而又令到我睇得明佢好有條理，我都幾佩服o架﹗
No comments:
Post a Comment